HINDI inasahan ni Shalee na maabutan niya sa labas ng unit niya si Baste at hinihintay siya. Pasado alas diyes na nang makauwi siya at sinadya niya talaga iyon para iwasan ang gano’ng eksena pero hindi umayon sa kanya ang tadhana. Magkikita at magkikita talaga sila kahit pa anong gawin niyang iwas dito. Pilit na ngiti ang pinakita niya dito nang magawi ang tingin nito sa kanya. He’s wearing house clothes now and that made him simple yet still attractive.
“Bakit gising ka pa?” tanong niya nang tuluyan siyang makalapit. Hindi ito sumagot at nanatili lang nakatitig sa kanya. “Nagbabasa ka ba ng case files mo?” Iyon lang naman ang pwedeng gawin nito kapag hindi pa ito natutulog ng gano’n oras.
“Hindi. Hinihintay talaga kita,” tugon nito.
“Madami akong ginawa sa site kaya ngayon lang ako
