Pang - pitong buwan ko na ngayon at masamang masama ang pakiramdam ko. Hirap akong bumangon kaya kailangan ko pang tawagin si Geoffrey para tulungan akong makatayo. Unang beses nangyari sa akin ang ganito.
Hindi naman ako nahirapan noon sa pagbubuntis ko kay Erwan pero laging minamanas ang paa ko pero nawala rin naman agad ang pamamanas ko dahil sa pinaglalakad nila ako tuwing umaga.
"Geoffrey!" Sigaw ko nang hindi pa rin siya pumupunta sa kwarto. Pinilit ko na talagang bumangon hanggang sa bumukas na ang pinto at pumasok si Geoffrey. Nagdidilim na ang paningin ko pero kinakaya ko na lang dalhin ang sarili ko.
"Anong nangyayari?" Tanong niya sa akin at nilapitan na ako saka inalalayan umupo. Hinaplos haplos ko pa ang tiyan ko dahil sa panananigas talaga. Ayoko naman may mangyaring ma
