Hindi ko alam kung saan ako dadalhin ni Troy. Nanahimik na ako pagkatapos niyang makatikim ng sampal, kalmot, at masasakit na salita sa akin. Wala akong nagawa kundi sumama sa kanya dahil ayoko naman gumawa ng ikapapahamak ng mga anak ko sa aking sinapupunan kapag pinilit ko pang manlaban sa kanya.
Tahimik lang kami habang smooth siya na nagmamaneho ng kanyang kotse. Gusto ko nang magreklamo sa kanya na kung pwede ba bilis-bilisan niya kung ano man ang gusto niyang mangyari. Kung pag-uusap ang nais niya kung kaya dadalhin niya ako sa isang lugar para makapag-usap kami ng maayos. Well, wala na kaming dapat pang pag-usapan pa dahil nakapagdesisyon na ako nang nakaraan pa. Nakapag-file na rin ako ng annulment dahil gusto kong maging leksyon sa kanya ang ginawa niya sa akin. Isa pa, hindi ako
