TULONG—SPG
INILAYO NI Zenna ang handphone sa kaniyang tainga. Nabibingi siya sa sigaw sa kaniya ng Mama niya. Galit na galit ito sa kaniya dahil sa hindi niya naibigay ang hinihinging tulong.
“ Kahit kailan wala kang utang na loob, Zenna! Itinuring ka na ngang tunay na anak ng asawa ko, hindi ka pa tatanaw ng utang na loob. Nakapangasawa ka lang ng isang Ricaforte, kinalimutan mo na ang responsibilidad mo bilang anak! Tingnan natin kung hindi magsawa sa iyo ang asawa mo. Wala kang aasahang tulong sa amin! ”
“ Mommy, hindi naman kasi madali ang hinihiling ninyo. Kahit pa asawa ko si Matthew, hindi ko naman puwedeng ipasalo sa kaniya ang problema ng kompanya ninyo ni Daddy. ”
Pinigilan niya ang mapahikbi. May kirot sa puso niya habang kausap ang ina. Hanggang ngayon, ganoon pa rin ang
