MAURITIUS POV.
HINDI ko alam kung paano ko kakausapin ang aking kapatid. Bakit wala man lang akong idea na iisang babae pala ang aming gusto? Ayaw ko siyang masaktan, at ano ngayon ang aking gagawin?
“Kuya Mau, kumusta ang Papa mo. Pasensya ka na hindi ako nakapunta, dalawa kasi ang inoperahan ko ng mga mga oras na yon.”
“Ayos lang brother, mabuti na ang kalagayan niya ngayon.”
“Mabuti naman pala, saan tayo at maaga mo akong pinuntahan dito?”
“Halika mag-fishing tayo medyo matagal na rin nating hindi nagagawa iyon, kagaya ng nakasanayan natin?”
“Wow! Sige ba matagal na rin tayong hindi nakakapag fishing. Yong huling fishing natin ay katatapos ko lang ng masteral. Sobrang na miss ko na ang maghapon natin sa gitna ng dagat, Kuya Mau.”
Napakasaya naming dalawa, sa tuwing magkasama kami
