ALJON POV.
DAHIL sa malakas na bagyo ay maraming pasyente ang idinating sa ospital. Halos umabot na ng isang buwan ay marami pa rin ang dumarating na may malubhang kalagayan. Kaya naman ay halos hindi na ako nakakauwi ng aking penthouse.
Nawalan na rin ako ng balita kay Kyla o kahit kay Kuya Mauritius. Kailan kaya ako mabibigyan ng pahinga at miss ko na talaga ang aking mahal. Gano'n din ang bonding namin ni Kuya Mau.
“Doc. Aljon, sa wakas pinayagan ka rin mapakapagpahinga.”
“Nurse Jay, huwag mo nga akong biruin ng ganyan. Saan mo nalaman ang balitang yon dahil wala akong alam?”
“Nakita ko lang sa schedule Doc. Aljon, nakalagay din yata sa board. Ang mga pangalan ng doctor at ibang staff na nabigyan ng ilang araw na leave.”
“Salamat naman kung gano’n, sa wakas makakapagpahinga rin.”
