Tila wala sa sariling naglakad pabalik sa loob ng hospital si Ace. Hindi niya makakayang mawalay ng tuluyan kay Sailor lalo pa ngayon dahil kailangan siya nito. Hindi pwede tuluyan siyang makalimutan nito, at hindi niya mapapahintulutan ang sinabi ni Dylan kanina. Mukhang may balak pa itong ipaako sa kapatid nitong si Zion ang responsibilidad niya sa kanyang anak.
Hindi maaari iyon, mamamatay muna siya bago mapunta sa iba ang kanyang asawa. Kung kinakailangang lumuhod siya sa harapan ng mga ito at magmakaawa ay gagawin niya. Papasok na siya sa entrance ng mahagip ng paningin niya si Nanay Salud. Kuno't noong napatingin siya dito, nagmamadali itong pumasok sa loob at may itinanong sa isang nurse na kasalubong nito. Naisip niya na baka nabalitaan na nito ang tungkol kay Sailor kaya napasug
