"Nay! Nanay Salud! Si Sailor po!" sigaw ni Ace maya-maya naman ay nagkukumahog na sa paglapit ang matanda. Puno pa ng harina ang kamay dahil nagluluto ito ng ukoy na dilis.
"Ano bang nangyayari sayong bata ka?! Aba eh wagas kang makasigaw!" hinihingal na tanong nito.
"N-Nay si Sailor po," nawika na lamang niya habang hilam pa rin ng luha ang buong mukha.
Napatingin naman ang matanda sa babaeng nasa tv na kumakanta sa ibabaw entablado, isang makabagong awitin ang kinakanta nito at sinasabayan nito ng pag-indak at maging mga tao at judges naman ay sumasabay din sa pag-indak. Nakakadala kasi ang tempo ng kanta lalo pa at ang ganda ng version nito. Maya-maya ay tila napagod ito sa suot nitong sandals na may mataas na takot. Pasimple nitong hinubad iyon at mas ginanahan ito sa pag-indak n
