CHAPTER 33:
HINDI AKO NAKASAGOT SA NAGING TANONG sa akin ni Harry. Basta hindi ko na lang siya sinagot, hindi ko siya pinansin at nagsimula na ako sa pag-aayos ng gamit ko sa lamesa.
Hindi niya na rin naman dinugtungan pa ang tanong na 'yon. Nang hindi ako sumagot, hindi na rin siya nagtanong. Mabuti nga lalo na at ayaw kong sagutin kahit na curious ako kung paano niya nalaman.
"Hindi kaya, ikinukwento ka ni Andrew sa mga taong nakakasalamuha niya?" hinuha ni Jessy.
Tapos na ang trabaho ko at nagpasya kaming magkita sa isang malapit na milk tea shop. Matagal na rin kaming hindi nagkakasama nang kumpleto kaya sinamantala na namin. Sa wakas ay tapos na ang seminar ni Jessy.
"Siguro nga!" gatong pa ni Kristian. "Sila nga kasi ang nagha-handle ng events ng Sexy Seven at ng iba pang event
