PAGKATAPAK ni Nigito sa huling ulap ay siya namang pagbalot ng kung anong liwanag sa buong lugar. Isang transparent Gold Barrier ang pumalibot kaagad dito. Inihanda ni Nigito ang kanyang espada matapos iyon. Mukhang wala na itong atrasan pa. Nasa loob na siya ng battle arena at ito ang isang labang hindi na niya matatakasan. Ito ang magiging simula at hudyat kung makakaya ba niyang talunin ang game. Dito nakasalalay ang kahihinatnan ng kanyang muling pagbalik.
Huminga siya nang malalim at pinakiramdaman ang paligid. Ikinalma niya ang kanyang sarili at pagkatapos ay seryosong pinagmasdan ang huli niyang makakalaban... ang Boss Monster.
"Boss Monster: Raijin! God of the Sky."
Ito ang lumabas sa vision ni Nigito. Ito ang nilalang na kanina'y nakausap niya. Ang nilalang na sinabing patay na
