ISANG bibihirang makitang pangyayari ang ngayon ay tumambad sa bawat islang pumapaikot sa karagatang tumatabon sa Underwater Island. Nagsimula ang lahat sa mga paunti-unting paggalaw ng paligid. Na sinundan ng mas palakas nang palakas na lindol. Bigla-bigla na rin lang umaangat ng ilang metro ang alon sa gitnang bahagi ng dagat. Tila may kung ano'ng nangyayari sa kaibuturan nito na hindi makikita sa itaas. Doon nga'y biglang sumabog ang napakalaking bahagi ng dagat. Kumawala ang isang malakas na pwersa na mas nagpaangat sa alon. Matapos iyon ay bumagsak iyon na naging dahilan upang kumawala palayo ang malalaking alon.
Mga ilang sandaling naging kalmado ang paligid at karagatan hanggang sa muling niyanig nito ang buong paligid. At doon nga'y tila may kung ano'ng bagay ang unti-unting umaan
