Nang makaalis sa hospital, pumunta kami ni Rigo kung sa'n nagsimula lahat. Sa bahay nila.
Pumasok kami sa k'warto niya. Buti na lang 'di nadamay sa sunog ang bahay nila. Parang nasa plano ang lahat, prinotektahan ng diyos ang kanilang bahay.
Pumunta siya sa kanyang lamesa at hinila ang maliit na upuan na gawa sa narra, umupo rito.
"Alam kong may hinala ka na, binibini, kaya lahat ng nasa isip mo at gusto mong itanong ay sasabihin ko na," bungad niya sa akin.
Huminga siya nang malalim at tumingin sa akin, "ang lahat ng ito, binibining Nicca ay aking hiling." Nagulat ako sa kanyang sinabi.
Akala ko ba ito ang hiling ni Dette? Ang mabuhay kaming dalawa dahil nakita n'ya ang kanyang hinaharap.
"Humiling ako sa aking talaarawan," may kinuha siya sa drawer ng kanyang lamesa. Ang talaa
