"Ugh! Ang sakit ng ulo ko," daing ko agad pagmulat ng aking mata.
Sobrang dami yata talaga ng nainom ko kagabi kaya ganito ang pakiramdam ko.
First time kong uminom tapos nagpakalasing agad. Tsk!
Naupo ako sa kama at agad ulit na napapikit. Pumipintig kasi ang ulo ko at parang binibiyak.
Napatingin ako sa pinto ng may kumatok doon bago bumukas.
"Nagbakasali lang ako na gising ka na," sabi ni kuya. Naupo s'ya sa gilid ng aking kama. May dala s'yang isang baso ng tubig at gamot, inabot n'ya iyon sa akin. "Inumin mo na, makakabawas iyan sa sakit ng ulo mo."
Agad na sinunod ko ang sinabi niya. Tinalupan ko ang gamot at agad na ininom.
"Ikaw ba ang nagdala sa akin sa kwarto, kuya?" tanong ko. Ang tanging naaalala ko lang ay ang pag-alis nina Lanie ng sabay-sabay.
"Oo. Hindi mo ba n
