Nakangising Adam ang nakita kong lumabas mula sa ilalim ng gown ko.
"Mukhang nag-enjoy ka ng husto, ah," sabi kong nakangiti pero nagtitimpi ng gigil.
"Ambango, eh!" sabi nitong may nakakalokong ngiti.
"Huwag lang kita matiyempuhang nag-iisa mamaya. Aambushin kita," sagot ko, na may plastik na ngiti. Nasa harapan pa din kami, at sa amin ang tingin nang halos lahat ng bisita.
"Kung sa kama mo ko aambushin, okay lang. Magpapa-ambush ako sa iyo," sagot naman nito, sabay kindat pa.
Naku!! Adam Zuniga!
NATAPOS ang reception na hindi ko man lang naabisuhan si Clover. Agad na siyang naisakay ni Judd sa bridal car nila at agad na nakaalis. Tiyak na magwawala si Clover pagdating sa Cebu. Wala siyang kalam-alam sa pinlano ng mga magulang nila ni Judd.
"Let's go, my Hera. Ako na ang maghahatid
