“Kayo ho pala, Sir,” ani manang.
“How’s she manang?” wika nitong napasilip pa ng bahagya sa loob ng silid. Galing kasi siya sa business meeting nila ni Mr. Alfonso. Kahit wala si Zyren, tinuloy pa rin niya ang pakikipagkita sa may-ari ng lupa na bibilhin nila para sa bagong project na gagawin nilang magkakapatid. Kahit wala naman kasi ang prisensya ng dalaga ay wala namang problema.
“Medyo okay na ho, Sir. Kasalukuyang kinakain ho niya iyong mga pinamili ho ninyo,” tugon ni manang.
“Mabuti naman kung gano’n. Nagustuhan naman ba niya ‘yong mga pagkain?”
“Sa tingin ko naman ho ay oo, kasi kinain naman po niya. Kayo ho sir may ipapaluto ho ba kayo?”
“Adobong pusit at inihaw na bangus ho sana manang,” sabi ng binata.
“Sige ho. Magpapabili ho ako ng sariwang pusit at bangus kay George.”
