"George, itabi mo muna diyan sa may grocery store," utos ni Lorrenze kay George. Agad naman ito sinunod ni George. Pagka-park ng sasakyan ay nagmadali nang bumaba si Lorrenze at agad na pumasok sa loob ng grocery store.
Mabilis naman na sumunod sa kanya si George.
"Sir, akala ko ba gamot ang bibilhin natin?"
"George, sumunod ka na lang at huwag na huwag mo akong pagtatawanan sa bibilhin ko ngayon," tugon niya rito. Pagkapasok sa loob ay agad siya kumuha ng push cart para paglagyan ng kanyang mga naisipang bilhin.
Kahit nagtataka ay hindi na lang kumibo pa si George. Sumunod na lang siya kung saang section ito pupunta.
"Ang pogi naman niya," wika ng isa sa mga namimili sa loob ng grocery store. Tila kinikilig pa ito habang nakatingin kay Lorrenze.
"Sir, kapag ikaw talaga ang kasama
