LOVE CONFESSION
CHAPTER 59
HINDI pumasok si Celine kinaumagahan. Ibinilin niya kina Olivia ang boutique nagdahilan siyang may sakit siya kaya hindi ito makakapasok. Pero ang totoo, mugto ang mga mata ni Celine. Wala itong gana at hindi makapag- isip ng tama. Kagaya ngayon, nakatitig lang ito sa kisame at walang kakilos- kilos. Nasa bahay pa rin siya ni Dana at walang balak na umuwi. Alam niyang pupuntahan siya ni Xander anumang oras. Ayaw niya muna itong makita sa totoo lang. Baka kasi kung ano ang magawa at masabi niya rito maginh dahilan pa ng mas malala nilang sitwasyon.
Marahang nabuksan ang pinto ng silid na kinaroroonan ni Celine pero hindi natinag sa pagkakatingin nito sa kisame. Lumundo ang kama at alam niyang si Dana ang pumasok. Tumikhim si Dana upang pukawin ang atensyon ni
