Malamig at mahangin. Ito ang dalawang salitang nagpapaliwanag sa temperatura sa lugar na ito. Kahit malapit nang magtanghali at matindi ang sikat ng araw ay hindi naging alintana ito nang makarating kami sa hangganan ng Crimson Pack.
Kasama ko ang limang Imperiali. Lima lang dahil wala sina Accalia at Zachary. Si Andrius ang nagdesisyon na magpaiwan din si Zachary para samahan ang kaniyang si Accalia. Kahit na bakas ang pagtutol sa mukha niya ay wala siyang magagawa sa utos ng King Imperiali.
"Buti pa rito maaliwalas. Nakakasakal kasi sa loob ng bahay. Ang sakit sa mata ng mga nakikita ko. Kung pwede lang ipikit ang mata. Tsk!" malakas na ani Amori habang iginagala ang paningin sa paligid.
Napansin ko ang simpleng paglingon ni Andrius sa kaniya dahil sa sinabi nito at pagkalaunan ay su
