Finally, the long awaited days has come. Ngayon opisyal na sisimulan ang interschool tournament. Kasama ko ngayon sa iisang silid ang buong Imperiali, at nasa hiwalay naman na silid ang ibang kalahok na school. Hinihintay lang namin na tawagin kami ng announcer. Kahit nandito sa bukod na silid ng arena ay naririnig ko pa rin ang malalakas na hiyawan ng mga estudyante sa labas. Mayroon ding nakasabit na monitor dito sa loob kaya makikita namin kung ano na ang nangyayari sa labas. Kasalukuyang pinapapasok muna ang mga estudyante, at nakikita kong halos mapuno nila ang buong arena.
“Ang sexy talaga, Celestine! Naiinggit ako sa curves mo.” Tumayo sa harapan ko si Brianna at pilit na pinatayo ako.
“Ikot ka nga ulit, my beautiful friend.” Dagdag pa niya, pero siya na rin ang nag-i
