Luna’s PoV
Nakarating kami sa Acapulco Beach alas dos ng hapon at mataas na ang sikat ng araw. Ipinasok ni Dean ang sasakyan nito sa may parking lot ng resort habang ako naman nakatayo sa may tindahan at hinihintay ito.
Maraming mga nakahilerang tindahan sa kalsada. Iba’t-ibang mga tinda ang naroon lalo na mga street foods. Maraming mga tao na dumarayo para mag-swimming dahil mainit ang panahon. May mga nagtayo ng tents malapit sa tabing dagat at mayroon ding mga kababaihan at kalalakohan na naroon sa mga cottage na nag-iinuman. May sari-sariling mga Videoke na p’wedeng rentahan. May mga resorts din na may hotel na p’wedeng pag-stay-an na malapit sa dagat.
Huminga ako nang malalim. Presko at sariwa ang hangin. Malinis ang paligid ng beach at wala kang makikitang mga kalat dahil organisa
