"You want what, General?" maang na tanong ni Claire sa amo.
"Hmmm... Kung hindi kita kilala ay iisipin kong wala ka sa tamang huwesyo," saad nito imbes na sagutin siya.
"Sir, aba'y halos hindi pa uiinit ang pagkabilanggo ng brigadier na iyon ah. Ngayon ay muli mo akong pasabakin sa misyon? Sir, naman eh. Anong akala mo sa akin, hindi tumatanda?" angal niya.
"Mukhang baligtad na ngayon ang mundo, Mrs Miller. Noon ay ikaw ang sumasalo sa lahat ng misyon na inaayawan ng mga kasamahan mo. May dahilan ba upang umatras ka ngayon?" patanong nitong pahayag.
Sa tinuran ng opisyal ay hindi siya agad tumugon. Dahil sa katunayan ay wala namang problema kung tanggapin niya ang misyon. Iyon nga lang ay hindi na naman niya matupad ang pangako sa mga anak na magbakasyon silang lahat sa bansang Pilipin
