"Ano sigurado ka ba sa sinasabi mong iyan Shaymay? Iyong babaeng iniligtas mo at ang babaeng kasama ni Ezekiel ay iisa? Mahabaging langit, paano nangyari iyon?" naguguluhang tanong ni Lyka sa kanya.
"Oo ate, sigurado akong si Camille iyon. Kahit ako naguguluhan kung papaanong nangyari iyon? At nag-aalala rin ako kay Jovanni, magkasama sila sa kweba kaya hindi ko lubos maisip kung papaanong ngayon kasama na ni Ezekiel si Camille!" naguguluhan ding sagot niya dito.
"Pero Shay hindi mo ba talaga pwedeng saglitan si kuya sa kweba? Nag-aalala kasi ako sa kanya baka kung ano nangyari sa kanya. Shay sige na oh k-kahit saglit lang, paano kung nahuli na pala siya ni Ezekiel? Papaano kung wala na pala siya sa kweba ngayon? Shay, anong gagawin natin? Iyong kapatid ko, si kuya tulungan niyo naman
