NAGHINTAY ako ng sagot ni Matthew, pero tahimik pa rin siya. Nagpatuloy pa rin ako sa kabila noon.
“Ang sabi ni Sir Nick nagpropose ka sa kaniya." Parang sibat ang bawat salita sa puso ko, pero gusto kong marinig mismo mula kay Matthew.
"Totoo bang nagpropose ka kay Celine? K-kung nagpapanggap lang kayo, bakit may proposal? Siya ba talaga ang dahilan kaya ka tumalikod sa kasal mo dapat sa dati mong fiancee'? Totoo rin bang pinag-aral mo siya at tinulungan sa negosyo niya? Gano’n ba siya kahalaga sa’yo?”
“Yes.” He nodded.
Natilihan ako. “Y-yes? I-iyon na ba ang sagot sa lahat ng tanong ko?”
“Celine is important to me. At hindi iyon nagbabago.”
May namuong bikig sa lalamunan. Parang tinutusok ang puso ko sa isinagot niya. Malungkot akong ngumiti. "M-mahal mo pa nga talaga siya," usal
