RAMDAM ko ang pagtakas ng dugo sa mukha ko nang hiklatin ako ni Calyx at kaagad tutukan ng baril sa ulo. Awang ang labing pinanood ko si Matthew na agad ding tumayo pagkatapos suntukin nito. Nakita ko siyang natulos. Namimilog ang mga mata niya habang nakatingin sa amin.
“G-Gigi...”
Tinangka kong hilahin ang braso ko kay Calyx pero, hindi ako nagtagumpay. Mas nagitla pa ako nang idiin nito ang dulo ng baril sa aking sentido.
“Subukan mong tumakas kung hindi ka habulin ng bala ko!”
“Calyx, don’t! Please? H’wag mong saktan si Gigi.”
“M-Matthew…” usal ko. Hindi ko na napigilan ang pamumuo ng luha ko dala ng matinding takot. Ni hindi ako makakurap. Baka sa katiting na pagkilos ko ay bigla ngang iputok ni Calyx ang baril.
Iniunat ni Matthew ang dalawang braso sa direksiyon namin. Nakat
