Gabi na nang makaalis sa Happy Life building si Nicolas dahil marami siyang tinapos na trabaho. At kadalasan, kapag ganoon ay hindi na siya umuuwi sa bahay niya. Sa penthouse na siya natutulog para makapagpahinga agad.
Pero nagtataka siya sa kaniyang sarili kung nag-iba ang routine niya nang gabing iyon. Dahil kahit pagod na ay natagpuan niya ang sarili na nagmamaneho pauwi sa mansion. He did not know why. Ngunit mas na-e-excite na siyang umuwi ngayon doon.
Kahit nang makarating sa bahay ay hindi rin alam ni Nicolas kung bakit bigla na siyang napangiti. Naghatid iyon sa kaniya ng magandang pakiramdam na hindi rin niya maintindihan.
"Saan ang Ma'am Kan mo?" tanong niya kay Neneng na siyang sumalubong sa kaniya sa sala.
"Umakyat na po siya sa kuwarto n'yo, Sir Nicolas," magalang na sa
