Inalalayan si Carlota ng kanyang asawa pababa ng sasakyan, kagagaling lamang nila sa simbahan at nagtungo na sila sa reception. Ngunit halos malaglag ang kanyang panga ng sa pagdating nila sa mismong reception ng kasal ay tumambad sa kanya ang magarang ayos ng kanilang court kung saan napagdesisyunan nila na gaganapin ang reception ng kanilang kasal. Ang naiisip niya ay simpleng ayos lamang ng mga upuan, lamesa nalang na lalagyan lamang ng mantil, mga pagkain at syempre ilang disenyong mga bulaklak. Ngunit ang sumalubong sa kanya ay isang enggrandeng ayos at palamuti ng reception venue nila.
Mula sa pinakang gate ng kanilang court na naka red carpet may wedding arch na napapalamutian ng iba't ibang kulay na tungkos ng mga bulaklak. Ang mga mesa ay ginayakan ng mamahaling palumpon ng mga
