Mabilis na lumapit si Carlota sa kanya at agad na kinuha sa kanyang bisig ang bata.
"Anong karapatan mong hawakan ang anak ko ha?!" galit na galit na tanong nito sa kanya.
"Carlota nakita kasi namin si Baby Carl dito sa may gate at lumapit siya dito sa aking panauhin." si Mayor ang sumagot dito.
"Aileen! Aileen! Pakipasok si Carl sa loob!" sigaw nito, lumabas naman mula loob ng bahay si Aileen. Nagulat ng makita siya. Tinanguan siya nito ng bahagya tsaka kinuha na ang bata sa bisig ni Carlota.
"Magandang umaga po Mayor, pasensya na po. Pasok na po ako sa loob," wika nito sa Mayor, tumingin ito sa kanya na tila nagbabanta.
"Ah, sige Carlota pasensya na rin, natakot ka yata dahil hindi mo kilala itong si Mr. Montilla siya ang butihing panauhin natin na nagdonate ng malaking halaga
