ARAW NG KASAL
Matamang nakatitig si Carlota sa salamin dahil halos hindi niya makilala ang kanyang sarili. Akala niya ay napakaganda na niya noong unang beses na isinuot niya ang kanyang wedding gown pero mas may igaganda pa pala siya ngayong naayusan na ang kanyang buhok at ngayong nakamake-up na siya. Parang ibang tao ang nakikita niya ngayon sa salamin.
"Napakaganda ng anak ko, para kang isang dyosa diyan sa wedding gown mo na suot-suot anak. Bagay na bagay din sayo ang makeup mo pati na ang pagkakaayos ng buhok mo. Halos hindi ko na makilala ang panganay ko," humahangang papuri sa kanya ng kanyang nanay maluha-luha pa ito habang binibigkas iyon.
"Kanino pa ba magmamana ng kagandahan ang panganay natin Maria kundi sayo at syempre dahil na pogi din ang kanyang Tatay. Salamat asawa k
