Mabilis siyang sumunod sa dalawang babae ngunit parang bola itong nawala dahil habang papalapit ang mga ito sa plaza, paparami naman ng paparami ang mga tao kaya ng humalo ang dalawa sa karamihan tuluyan na itong nawala sa kanyang paningin. Hindi niya matiyak kung si Carlota nga iyon pero kahit na maliit na tyansa hindi niya papalampasin iyon, nais niyang makatiyak.
Humalo din siya sa mga tao at sinubukang hanapin ang dalawang babae. Pero wala talaga, nahihilo na nga siya sa iba't-ibang amoy ng mga tao pero hindi pa rin niya mamataan ang dalawa. Minabuti niyang pumasok sa loob ng plaza kung saan nagsasayawan ang mga tao. May entrance fee pa kaya nagbayad muna siya bago nakapasok. Mas madami ang tao sa loob, disco light pa ang tanging tanglaw kaya mahirap na mamukhaan ang mga tao sa loob
