Nautusan si Lara na maghatid ng mga importanteng papeles sa FGC (Frio Group of Companies). Dahil katapat lang nito ang building ng FAF (Frio Architectural Firm) ay naisipan niyang dalawin ang nobyong si Draco sa opisina nito. Ito ang unang beses na makakapasyal siya sa kumpanyang pinamamahalaan ng kaniyang nobyo.
Hindi siya kilala ng mga empleyado rito dahil hindi naman siya isinasama ni Draco sa mga okasyon na may kinalaman sa kumpanya nito kaya dumaan pa siya sa mga proseso para lamang makita ito.
"Miss, nandyan ba si Mr. Draco Frio?" tanong niya sa matangkad na babae na nasa trenta na pataas ang edad. Nakasuot ito ng uniporme ng kumpanya, may salamin sa mata at nakapusod ang mahabang buhok. Ito ang assistant ni Draco na si Farah.
"Kakaalis lang po ni Mr. Frio, Ma'am. May kailangan
