Pagdating ni Lara sa opisina ay sinalubong agad siya ng pumpon ng mga bulaklak. Red roses iyon na sa tantiya niya ay isang dosena ang dami.
Nakatingin sa kaniya ang mga kasamahan niya sa trabaho na malapit ang pwesto sa kaniya. Hindi niya mawari kung natutuwa ba ang mga ito, naiinggit o nagagalit? Sa totoo lang mula ng pumasok siya sa kompanya ni Greg ay wala siyang naging kaibigan kahit isa man lang sa mga empleyado rito. Kahit gustuhin niyang makipagmabutihan sa kanila ay sadyang iniiwasan siya ng mga ito.
May napansin siyang maliit na card na naka-ipit sa mga bulaklak. Hinugot niya iyon binasa ang nakasaad sa card. Nalaman niyang kay Greg pala ito galing. Ibinalik niya ang tarheta kung saan niya ito nakuha at itinabi sa gilid ng lamesa ang mga bulaklak. Nag ayos muna siya ng kaniyang
