"Ms. Salvacion, I want you to give me the print out copy of Alora's statistical analysis. Bring it to my office ASAP." Hindi pa nga nakakasagot si Lara ay binabaan na siya agad ng telepono ni Mr. Andrade.
Huminga muna siya nang malalim bago humarap sa kaniyang laptop at kunin doon para i-print ang pinag uutos ng kanilang boss. Tatlong linggo nang pumapasok sa kanilang kompanya ang bago nilang managing director at sa tatlong linggo na iyon ay madalas siya ang inuutusan nito.
"Ako Lara napipikon na sa 'yo ah. Ano ba'ng sangkap ang nilagay mo sa gayuma mo para maakit mo si Sir Matthew at parang ikaw lang ang nakikita ng mga mata niya dito sa kompanya na 'to? Naligo na ako ng pabango at naka tatlong layers na ako ng foundation pero wa-epek, hindi pa rin niya ako napapansin," reklamo ni Marie
