Usap-usapan ang nangyari kanina pero wala namang nakarating sa mga prof namin. For sure na ipapatawag kami sa guidance kapag nagkataon dahil ilang ulit na itong nangyari. Nagtanong din sina Paris, Leia, at Alexa tungkol sa nangyari pero hindi na ako nagkwento pa masyado.
Nang dumating ang uwian ay napansin ko si Audrey na pumasok ng library. Mag-aaral siya?
"Chloe, tara na," tawag ni Alexa.
"Mauna ka na. May kukunin lang ako sa library," sabi ko at iniwan na siya roon.
"Ha?" rinig ko pa na pahabol nito.
Sobrang bihira ako na mapadpad sa library ng school. Pagpasok ko pa lang ay tumambad na sa akin ang nakabibinging katahimikan. I saw Audrey at the corner, wearing earphones while reading a book. Iniwan ko ang bag ko sa may lagayan bago siya nilapitan. Nang makaupo ako sa tabi nito ay
