Lahat ng galit at tampo na nadarama ko kay Mommy ay naglaho nang marinig ko ang balita kay Daddy. Lahat ng mga masasamang salita na nasabi ko sa kanya ay biglang nag-flashback sa isip ko at parang gusto ko itong bawiin sa kanya.
"Sumunod ka na lang ng Manila kapag tumila na ang sama ng panahon, son. Mauuna na ako sa Manila para tingnan ang kalagayan ng iyong ina," wika ni Daddy na medyo kumalma na sa kanyang pag-iyak.
"Mag-iingat po kayo, Dad. Susunod na lang po ako kaagad kapag tumila kaagad ang ulan."
"Ikaw din, ingat ka rin sa biyahe."
"Yes, Dad. And please, kalma lang po kayo. Ang presyon ninyo isipin niyo rin baka tumaas."
"Don't worry, son. Laging nasa bulsa ko ang mga maintenance ko. Uminom na ako kanina kaya hindi ako nag-aalala na bigla na lang magdilim ang tingin ko at bumul
