Nakahinga ako ng maluwag nang hindi ko makita si Fidel na nakaabang sa akin sa labas ng pinto ng class room namin para sa unang subject ko para sa umagang ito. Mukhang hindi na siya lalapit sa akin pagkatapos nang naging engkwentro nila ni Devin noong nakaraang araw. Mas mabuti na ganoon nga ang gawin niya dahil bukod sa hindi na ako single. Hindi rin magandang tingnan na nilalapitan niya ako kahit alam niyang asawa ako ng kanyang pinsan. Isa pa may mangilan-ngilan pa naman na nakakakilala sa amin dito. Mamaya niyan ma-tsismis pa kami ng wala sa oras at umabot pa sa angkan nina Devin.
First day of school ngayon, hindi ako hinatid ni Devin dahil may early meeting siya sa The Manor sa Camp John Hay. Maaga siyang bumiyahe kasama ang pinsan nitong si Vince at ang kaibigan nilang si Blue. Medy
