Isang nakakasilaw na liwanag ang namulatan ko pagkatapos kong imulat ang mga mata ko. Nagtataka na ginala ko ang mga mata ko sa silid na aking kinaroroonan habang napupuno ng kaba ang aking dibdib.
Bumalikwas ako ng bangon sa kama sabay sapo sa ulo kong nananakit.
Ano ba ang nangyari?
Bakit wala akong matandaan?
Pumikit ako ng mariin at inalala ang mga nangyari bago ako umabot sa kwartong ito.
"Kita na lang tayo bukas."
"Mag-iingat ka, Farrah."
"Kayo rin. Bye!"
Kumaway ako kina Arlene at Wena habang palabas ako ng classroom namin. Naiwan pa sila dahil sila ang cleaners para sa araw na 'to. Naglakad na ako patungo sa parking lot para maaga akong makauwi. Pangako ni Devin na aagahan niya ang pag-uwi dahil plano namin na mag-barbeque party kasama ang mga kasambahay namin. Habang nagla
