"Devin…bakit hindi mo siya kinausap kahit saglit lang? Wala namang masama kung kinausap mo siya, 'di ba?" tanong ni Farrah.
Nilingon ko siya na may lungkot sa aking mga mata. Nakita ko na tumigil siya sa kanyang paghehele sa anak naming si Harvey. Malungkot din siya na nakatitig sa akin at tila kanina pa siya nakatingin sa reaksyon ng mukha ko. Nakalimutan ko na narito siya sa tabi ko at narinig niya ang lahat ng sinabi ko kay Daddy. Maging ang mga kaharap naming kasambahay na kasalo namin sa hapag ay alam kong narinig din ang aming pag-uusap. Kahit abala na sila sa kanilang pagkain at panaka-nakang pag-uusap ay alam kong nanghahaba pa rin ang mga tainga ng mga ito sa pakikinig sa usapan namin ni Daddy. Ang iba kasi sa kanila ay ilag sa aking ina at malamang pinapanalangin ng iba na huwag
