AGATHA
Simula ng dumating si Draven, naging tahimik na si Elvie at pormal naman ang ekspresyon ng mukha ni Theresa. Nararamdaman ko na umiiwas silang dalawa at hindi komportable sa presensya ng asawa ko.
"Gabi na, hindi ka p'wedeng mag-puyat, hon. Kailangan mong matulog ng maaga," bulong ni Draven habang nakaupo katabi ko dito sa sofa.
Sumulyap ako sa mga kapatid ko na akala mo ay abala sa mga ginagawa nila. Hawak ni Theresa ang bagong labas na magazine at binubuklat, habang si Elvie naman ay sa cellphone nito nakatutok ang atensyon.
Siguro bored na si Draven dahil nagtititigan lang kami dito, kaya lang may kailangan pa akong itanong sa kanya. "Draven, nasaan ang nanay namin?" mahinang tanong ko, sapat para marinig ng asawa ko.
"Nasa safehouse," walang paligoy-ligoy na sagot ng asawa
