AGATHA
"How dare you, Zexto! Kung hindi mo kayang tanggapin ang mga anak ko, huwag mong ipamukha sa kanila na ibang tao ang kanilang ama!" mapait at galit na singhal ng aking ina sa lalaking kaharap.
Kita ko ang galit na bumalatay sa magandang mukha ni mommy. Lahat kami ay tahimik habang umiiyak siya. Tila balewala naman ito sa kan'yang asawa na matigas ang ekspresyon ng mukha ni Zexto sa harap naming lahat.
"Kaya kong patunayan na anak mo silang lahat, Zexto. Bakit hindi kayo magpa-DNA test?" luhaan na tanong ni mommy.
Tama siya, tanging DNA test lamang ang paraan para malaman naming lahat ang totoo.
"Hindi ko kailangan ng DNA test na iyan para kilalanin ng lalaking 'yan. Mag-positive or negative man ang lumabas na resulta, hindi ko kayang tanggapin na siya ang tatay ko," matigas n
