AGATHA
Tahimik kaming lahat habang nakaupo ng ilapag ni Draven ang printed na kopya ng DNA test results na hawak niya sa ibabaw ng center table, dito sa visitor’s area ng malaking bahay ni Theresa.
Nandito na ang lahat, kaya hindi na niya pinatagal pa. Magkatabi si Theresa at ang aming ama, habang nasa tabi ko si Draven at tig-isang upuan naman si mommy at Elvie.
"Here's the results," seryosong sabi ni Draven sa amin. "No white lies, walang ibang nakialam d'yan kahit sino at siniguro kong tunay na resulta ang hawak natin."
Lahat kami ay nakatingin lamang sa limang envelope. Minuto lang ang lumipas, si Theresa na ang na-unang kumuha at binuksan ang hawak nito.
Sumunod na rin si Elvie na kumuha ng dalawa at binigay kay mommy ang isa. Kami na lang ni Zexto ang hindi gumalaw sa kinauupua
