AGATHA
Sa wakas natapos rin ang hindi matapos-tapos na mahabang usapan ng mga magulang namin. Magkasamang umuwi si Theresa at ang aming ama, habang si mommy at Elvie naman ay hinatid ni Brady sa bahay.
"Napagod ka ba?" tanong ng asawa ko habang sa daan nakatutok ang paningin at nagmamaneho.
"Hindi naman, okay lang ako," sagot ko habang nakasandal ang ulo at likod sa upuan dahil nararamdaman kong naglulumikot ang mga anak namin sa loob ng tiyan ko.
Naunang dumating sa amin dito sa bahay ang aking ina at kapatid. Pinag-pahinga ko na sila dahil bukas, pupunta na si mommy sa bahay ni Theresa at si Elvie naman ay babalik sa condo unit niya.
Inaya agad akong umakyat sa silid namin ng asawa ko. Siguro ay napapansin niyang hindi ako masyadong komportable dahil panay ang paglumikot ng mga anak
