“Ubusin n’yo lahat ‘yan para may energy kayo mamaya,” sabi ni Tornado habang abala kaming kumakain.
Mabuti na lang at tumigil na rin siya sa pang-aasar sa akin kanina, dahil kung hindi ay mabubusog siya sa mga balat ng nakahain sa amin ngayon dahil iyon ang ipakakain ko sa kanya.
“Ano na naman ‘yan? Baka puro kalokohan na naman ‘yan!” sagot naman ni Lorelei na nasa aking tabi habang ang nilalantakan ngayon ay iyong sweet corn.
Napatawa naman si Tornado sa tinuran ng kaibigan. “Hindi. Ito naman walang katiwa-tiwala. Sa guwapo kong ito? Hindi ako pagkakamalan na gumagawa ng kalokohan!”
Magkakasabay kaming napaubo dahil doon at parang nakakalokong uminom. Pang-asar man lang sa kanya.
“G*go! Baka ‘yang mga itsurang ‘yan ang laging gumagawa ng illegal!” T
