Paglabas ko ng mall ay naabutan ko pa ang papaalis na sasakyan ni Donna. Mabilis na tumawag ako ng cab, iyon ngang may kabababa lang na pasahero ang kinuha ko. Mabilis na sumakay ako sa katabi ng driver para madali ang pagbibigay ko sa kanya ng instruction. Bahagya pa nga siyang nagulat dahil bakas ang pagmamadali sa akin.
“Manong, pakisundan po ‘yong kulay pulang Camaro po. Pakibilisan po, manong!” Iyon agad ang naging bungad ko sa kanya nang makasakay ako.
Nag-loading pa yata ang inutos ko sa kanya kaya hindi agad siya nakahuma. Nakita kong papalayo na ang sasakyan ni Donna kaya halos mapapadyak ako sa loob ng cab.
“Please po, pakibilisan po. ‘Wag n’yo po tatanggalin ang mata n’yo sa pulang sasakyan na ‘yon!” Hawak ko ang kanyang braso habang itinuturo ang sasakyan ni Donna na nasa u
