MAXINE
NAGISING ako dahil sa malakas na lagaslas ng tubig mula sa shower. Dahan-dahan kong kinipa ang aking tabi. Bigla akong nakaramdam ng pagkadismaya nang mag-isa na lamang akong naroon. Dahan-dahan akong bumangon. Biglang nilukob ng kaba at pagkasabik ang aking dibdib nang mapagtanto kong may tao sa loob ng banyo.
He hasn't left yet?
Napatingin ako sa orasan. Kumunot ang aking noo nang mapansin kong halos limang oras na rin pala akong nakatulog. Maingat ang aking mga yabag nang dahan-dahan akong lumapit sa may pinto ng banyo. Wala pang ilang segundo ako nakatayo sa harap ng banyo nang bigla iyong bumukas. Halos mapatalon ako sa gulat dahil doon. Bahagya akong nakadama ng pagkadismaya nang tuluyan kong mapagtanto kung sino ang naroon.
"Expecting someone?" Nakangising turan ni Brand
