Lorna
Masyadong mabilis ang mga naging pangyayari. Basta ang natatandaan ko lang ay mabilis akong binuhat ni Denver. May mga umalalay sa kanya na mga lady guard kasama na rin si Geraldine at dinala ako sa clinic na ito.
Ngayon nga ay nakahiga ako sa isang single bed at may isang doctor na babaeng sumusuri sa akin ngayon. Sinuri niya ang mga vital signs ko at kinunan niya rin ako ng dugo. Hilong-hilo pa rin ako hanggang ngayon. Umiikot pa rin ang paligid ko. Para akong masusuka na hindi ko maintindihan.
Hindi ko gusto ang pakiramdam na ito. Nahihirapan ako sa sarili ko. Hindi kaya may sakit na akong malala at may taning na ang buhay ko? Hindi kaya dahil ito sa pagkakaaksidente ko?
Baka may namuong dugo na sa utak ko dahil sa pagkakabagok nito!
"Are you okay now?" tanong sa akin ni Ger
