MARAHAN kong tinanggal ang blazer mula sa aking balikat hanggang sa braso. Kasalukuyan akong nakaharap sa salamin kaya napagmasdan ko ang aking balikat at siko na may iilang sugat. At ang aking likuran naman ay nagtamo ng pasa. Hindi ko aakalain na mapapalaban ako at magtatamo ng sugat. Malakas siya ngunit hindi pa rin sapat iyon para mapigilan ako sa pagpatay ko sa kanya.
"Senyorita, kakain na po." Isang boses mula sa kabilang pinto ang aking narinig na naging dahilan para ibalik ko sa pagkakasuot ang aking blazer.
"Asar! Wrong timing ka talaga yaya." Dali-dali akong lumakad at binuksan ang pinto. Ilang segundo akong natigilan ng makita ang taong nasa pinto. Lagi na lang siyang ganito. Biglaan kung bumisita. Hinawi niya ang pinto upang pumasok habang ako naman ay sinundan lamang siya
