Hindi ko na siya napigilan dahil dinala na niya ang mga ito sa kitchen sink. Kinuha ko na lang ang table napkin sa dining table at pinunasan ang lamesita. Pagkatapos ay nagwalis, ilang minuto din ang lumipas at ako ay natapos sa aking ginagawa. Ibinalik ko ang walis kung saan ito nakalagay saka tinungo si Charlie sa naghuhugas pa rin ng pinggan.
Hindi ko napigilan ang tumawa dahil tatlong pinggan at dalawang baso lang naman ang kanyang huhugasan. Dapat sa mga oras na ito ay tapos na siya. "Ang lakas ng loob mong magsabi na ikaw ang maghuhugas pero 'di ka naman marunong. Panay sabon lang ng pinggan ang ginagawa mo dyan," natatawang sambit ko at siya naman ay lumingon sa akin.
"Sinasabunan ko ng mabuti para wala talagang dumi na maiwan," pagdadahilan niya habang nakangiti.
"Ako na nga dya
