HAWAK-hawak niya ang kamay namin ng aking pinsan habang lumalakad papuntang parking lot. Tapos na ang aming klase at pauwi na kaming tatlo. Huminto kami sa paglalakad nang matapat kami sa dalawang sasakyan na susundo sa akin at sa aking pinsan.
"Bye. Ingat kayong dalawa," wika ni Julie at kaming dalawa ni Zooey ay nagkatinginan.
"Ha? Hindi ka ba sasabay sa amin?" Zooey asked saka lumapit sa sasakyang susundo sa kanya.
Umiling si Julie at ngumiti sa aming dalawa ni Zooey. "Bukas na lang. May pinabibili kasi si Mama sa palengke."
"Ahh, ganoon ba. Sigurado kang hindi sasabay? Pwede ka namin ihatid sa palengke na sinasabi mo," ani ko pa.
"Wag na, Mela. Maliit lang ang daanan don sa palengke, baka matrapik kayo," wika niya saka kumaway sa amin ni Zooey. "Bukas ulit. Ingat kayo," dugtong ul
