Drake Tyler Crawford
Dalawang oras ang byahe papunta sa kabilang city kaya naman magkakalahating gabi na nang marating namin ang bahay namin. Bahay ito na ibinigay sa akin ng pamilya ko. Itinigil ko ang sasakyan saka lumabas na ng kotse, umikot sa passenger's side saka kinatok ang salaming bintana na ikinagising ni Sierra.
"Nakarating na pala tayo," sabi nito habang pababa ng sasakyan.
"Mahimbing ang tulog mo eh kaya hindi na kita ginising," sagot ko.
"Anong oras na?" tanong nito.
"Mag-aala una na," sagot ko.
Hindi pa nakakapagbihis si Sierra kaya inaya ko na 'tong magpalit ng damit, "baka gusto mong magbihis, may mga pinamili akong damit para sa kanya na hindi niya pa nagagamit pwede mo 'yong bawasan," mungkahi ko.
"Mabuti pa nga," sagot nito habang hila-hila ang nightgown nito.
M
