Unti-unting bumabalik ang malay ni Arty, masakit ang likod ng kanyang leeg saka mabigat ang kanyang ulo. Kikilos na sana siya nang maulinigan niyang may mga dumarating kung kaya't nagkukunwari pa rin itong walang malay. Noon lang din niya napagtantong may busal sa kanyang bibig.
"What the heck, Akira? Parang patay na ito ah!" sabi ng isang babae.
"Ano ka ba, nawalan lang 'yan ng malay dahil sa pagkakapalo ko sa kanyang batok." Katwiran naman ni Akira.
"Kalagan mo nga siya wala namang malay eh, o kaya tanggalin mo ang busal sa bunganga niya. Nakita mo ba ang mga ebidensyang hawak niya?" pahayag ng babae.
"Joyce, hayan ang folder nariyan lahat ang mga ebidensya niya laban sa'yo. Malamang dadalhin niya 'yan kay Green pagkatapos ipapakita nila kay Hunter. Mabuti na lang natiyempuhan ko," p
